DKT. BITEKO ATAKA MITAALA VYUONI IENDANE NA MABADILIKO YA TEKNOLOJIA

Naibu Waziri Mkuu na Waziri wa Nishati, Mhe. Dkt. Doto Biteko akishuhudia utiaji saini wa hati za makubaliano kwenye maadhimisho ya miaka 60 ya Chuo cha Elimu ya Biashara (CBE) kilichoanzishwa Januari 21, 1965. Maadhimisho hayo yamefanyika leo Januari 21, 2025 jijini Dar es salaam.

Naibu Waziri Mkuu na Waziri wa Nishati, Mhe. Dkt. Doto Biteko akihutubia kwenye maadhimisho ya miaka 60 ya Chuo cha Elimu ya Biashara (CBE) kilichoanzishwa Januari 21, 1965. Maadhimisho hayo yamefanyika leo Januari 21, 2025 jijini Dar es salaam

MATUKUO MBALIMBALI KATIKA MKUTANO MKUU WA CHADEMA

Mwenyekiti wa Chama Taifa Mhe. Freeman Mbowe akifungua mkutano  mkuu wa CHADEMA leo tarehe 21 Januari 2025, Mlimani City Dar es salaam.

Wageni waalikwa kutoka taasisi na balozi mbalimbali wakiwa katika ukumbi wa Mlimani City kushuhudia Mkutano Mkuu wa Chama Taifa leo tarehe 21 Januari 2025.

TAZAMA HAPA WAGOMBEA WA NAFASI MBALIMBALI ZA KITAIGA ZA CHADEMA, MBOWE ATOA NENO BARAZA KUU

  Baraza kuu la Chama katika kikao chake kilichofanyoka katika ukumbi wa Mlimani city leo tarehe 20 Januari,2025 limefanya uteuzi wa wagombea wa nafasi mbalimbali za kitaifa .

Maaskofu wa KKKT Wahudhuria Mazishi ya Mchungaji Mstaafu Zebedayo Diiwasl Mahawe

Na John Walter -Babati

Maaskofu mbalimbali wa Kanisa la Kiinjili la Kilutheri Tanzania (KKKT) leo Januari 15, 2025, wamehudhuria ibada ya mazishi ya aliyekuwa Mchungaji wa kanisa hilo, Zebedayo Diiwasl Mahawe, aliyezikwa katika makaburi maalum ya Kanisa la Usharika wa Babati Mjini.

Mchungaji Mahawe, aliyezaliwa mwaka 1945, aliishi maisha ya utumishi wa Mungu kwa miaka mingi, akihudumu katika majimbo mbalimbali ya KKKT. Alifariki dunia Januari 10, 2025, na ameacha alama kubwa katika maisha ya kiroho na kijamii.

Ibada ya mazishi imeongozwa na Askofu wa KKKT Dayosisi ya Kaskazini Kati, Dk. Godson Abel Mollel, ambaye amewataka watoto kuwatunza wazazi wao kama ishara ya heshima na upendo.

WAWILI WAHUKUMIWA GEREZANI KWA KUHARIBU MITA ZA BAWASA BABAT

Na John Walter -Babati

Mahakama ya Mwanzo Babati imewahukumu kifungo cha miezi miwili gerezani vijana wawili, Abubakari Semburi (18) na Abdul Hamza (18), wakazi wa Maisaka, kwa kosa la kuharibu mali ya Mamlaka ya Maji Safi na Usafi wa Mazingira Babati (BAWASA).

Washitakiwa hao walikutwa na hatia ya kuharibu mita za maji za BAWASA na kuziuza kama chuma chakavu katika kesi iliyowasilishwa na mlalamikaji, Sebastian Honorath, ambaye ni Meneja wa Ufundi wa BAWASA.

Hukumu hiyo ilitolewa Januari 10, 2025, na Mheshimiwa Hakimu Kangida Kalembo, kwa mujibu wa kifungu cha 326(1) cha Sheria ya Kanuni za Adhabu, sura ya 16, marejeo ya mwaka 2022.

Wawili hao walikutwa na mita hizo Desemba 24, 2024, majira ya saa saba mchana, katika maeneo ya Maisaka, mjini Babati.

Meneja wa Huduma kwa Wateja wa BAWASA, Rashidi Chalahani, amesema wamekuwa wakifuatilia kwa muda mrefu visa vya wizi wa mita za maji kutoka kwa wateja wao ambapo uchunguzi walioufanya ulipelekea kugundua mita hizo zikiwa zimeuzwa kwenye eneo la biashara ya chuma chakavu, hatua iliyosababisha kufunguliwa kwa kesi hiyo mahakamani. 

Bw. Chalahani ametoa wito kwa jamii kutambua kuwa mita za maji ni mali ya umma na zinapaswa kuheshimiwa na kutunzwa.

MAMIA WAMZIKA ALIYEKUWA MKUU WA WILAYA YA MBOZI ESTER MAHAWE MKOANI ARUSHA

Na John Walter -Arusha.

Viongozi mbalimbali wa serikali, wananchi, ndugu, na jamaa wamekusanyika leo katika kata ya Olmoti, jijini Arusha, kwa ajili ya kushiriki mazishi ya aliyekuwa Mkuu wa Wilaya ya Mbozi, mkoani Songwe, aliyefariki dunia wakati akipatiwa matibabu katika Hospitali ya Rufaa ya Mkoa wa Kilimanjaro (KCMC).

Mazishi hayo yamehudhuriwa na watu kutoka nyanja mbalimbali za kijamii, kiserikali, na kibiashara.

Miongoni mwa waliowasili kutoa heshima zao za mwisho ni pamoja na mfanyabiashara maarufu bilionea David Mulokozi anayemiliki Kiwanda cha kuzalisha vinywaji changamshi Mati Super Brands, Mkuu wa Wilaya ya Magu, Joshua Nassari, na aliyewahi kuwa Mkuu wa Wilaya ya Hai, Lengai Ole Sabaya.

Viongozi mbalimbali waliozungumza wakati wa shughuli hiyo, walitoa salamu za pole kwa familia na kuwataka waendelee kuwa na subira katika kipindi hiki kigumu.

Alimtaja marehemu kama kiongozi aliyekuwa na bidii ya kazi na aliyejitolea kwa dhati kuwatumikia wananchi wa Mbozi.

Ndugu, jamaa, na marafiki walitoa ushuhuda wa maisha ya marehemu, wakimtaja kuwa mtu wa watu, mwenye upendo, na mchapakazi asiyechoka. 

Mazishi haya yameacha simanzi kubwa kwa familia, wananchi wa Mbozi, Manyara alipowahi kuhudumu kama Mbunge wa viti maalum kupitia tiketi ya chama cha Mapinduzi CCM na taifa kwa ujumla.

Marehemu ameacha alama kubwa katika utumishi wa umma, na mchango wake utaendelea kukumbukwa kwa muda mrefu.

Mazishi yamefanyika kwa heshima zote, huku maombi maalum yakifanyika kwa ajili ya kuiombea roho ya marehemu.'

Picha ikiwaonesha waombolezaji kwenye Mazishi hayo.

POLISI PWANI WAMEMNASA ANAYESAMBAZA PICHA CHAFU SHULE YA BAOBAB

Na Khadija Kalili Michuzi Tv

JESHI la Polisi Mkoa wa Pwani linamshikilia mtu mmoja (jina kapuni) kwa kosa la kusambaza picha mjongeo kwenye mitandao ya kijamii kwa lengo la kuichafua Shule ya Sekondari BAOBAB iliyopo Wilayani Bagamoyo Mkoani Pwani.

Akizungumza na Waandishi wa Habari leo Januari, 20 kwenye mkutano uliofanyika katika ukumbi wa mikutano wa Jeshi la Polisi Pwani Kamishna Msaidizi wa Polisi Salim Morcane amesema kuwa Januari 3 ,2025 walipokea malalamiko kutoka kwa uongozi wa shule ya Baobab kuhusu kusambazwa picha chafu katika mitandao ya kijamii picha za mjongeo za utupu na zenye maudhui machafu kimaadili na kinyume na sheria za nchi.

"Picha hizo chafu na zisizo na maadadili imebainika kuwa waliotengeneza waliunganisha na baadhi ya majengo ya Shule ya Baobab ili kuaminisha umma kuwa vitendo hivyo vinafanyika shuleni hapo" .

MAKAMU WA RAIS ASHIRIKI MAADHIMISHO YA MIAKA 25 YA TAWJA

Makamu wa Rais wa Jamhuri ya Muungano wa Tanzania Mhe. Dkt. Philip Mpango akihutubia wakati wa Maadhimisho ya Miaka 25 ya Chama cha Majaji na Mahakimu Wanawake Tanzania (TAWJA) yaliyofanyika katika Kituo cha Mikutano cha Kimataifa cha Arusha (AICC) leo tarehe 20 Januari 2025.

WADAU WASHAURI BAJETI YENYE MTAZAMO WA KIJINSIA KUSAIDIA WATOTO NJITI

Na Deogratius Temba, Dar es salaam

Mtandao wa Haki ya afya ya uzazi umeshauri Serikali kutenga bajeti yenye mtazamo wa Kijinsia katika sekta ya afya ili kupunguza mzigo wa gharama za matibabu na utunzaji wa watoto njiti wanapozaliwa. 

Hayo yamesemwa na wanachama wa Mtandao wa haki ya Afya ya uzazi (SRHR) wakati wa mjadala wa pamoja kuhusu marekebisho ya sheria ya ajira, ambapo mswada wake unatarajiwa kuwasilishwa Bungeni hivi karibuni. 

Akizungumza mjumbe wa Kamati ya kushughulikia ushawishi na utetezi kwenye  mabadiliko ya sheria hiyo, ili kuwapa nafasi wanawake kupata likizo ya uzazi ya kutosha pindi wanapojifungua watoto Njiti, Mkurugenzi wa Taasisi ya Doris Moleli Foundation, Doris Moleli, alisema kwamba suala la uzazi wa mtoto njiiti ni lazima lijadiliwe na jamii kubadilisha mitazamo hasi, lakini kutenga bajeti katika ngazi za kijiji na kata ili zahanati na vituo vya afya viweze kuweka miundombinu na vifaa vya kusaidia kuhudumia watoto njiti katika ngazi hiyo

“ ….Zanahati zetu na Vituo vya afya huko vijijini zikipewa rasilimali fedha na vifaa vya kuhudumia watoto njiti, itasaidia sana kuondoa tatizo. Wanawake wanaojifungua watoto njiti wanasafiri umbali kutoka vijijini , kutumia muda mrefu kufuata huduma hospitali kubwa na kusababisha umasikini miongoni mwa jamii kutokana na mzigo wa gharama” alisema Doris.

TCAA YAWASILISHA MIKAKATI YA KUIMARISHA SEKTA YA ANGA KWA KAMATI YA BUNGE YA MIUNDOMBINU

Naibu Waziri wa Uchukuzi, David Kihenzile akizunguza wakati wa Mamlaka ya ya Usafiri wa Anga Tanzania (TCAA) walipokuwa wanawasilisha mikakati wenye lengo la kuhakikisha kunakuwa na uendelevu wa kusimamia Sekta ya Usafiri wa Anga nchini kwa Kamati ya kudumu ya Bunge ya Miundombinu 

Mkurugenzi Mkuu wa Mamlaka ya ya Usafiri wa Anga Tanzania (TCAA) Bw. Salim Msangi akiwasilisha mikakati wenye lengo la kuhakikisha kunakuwa na uendelevu wa kusimamia Sekta ya Usafiri wa Anga nchini kwa sasa na baadaye kwa Kamati ya kudumu ya Bunge ya Miundombinu Januari 15, 2024 mkoani Dodoma.

RAIS SAMIA AONGOZA KIKAO CHA MKUTANO MKUU MAALUM WA CCM

Mwenyekiti wa Chama cha Mapinduzi (CCM) na Rais wa Jamhuri ya Muungano wa Tanzania Ndugu. Dkt. Samia Suluhu Hassan akipiga kura kumchagua Makamu Mwenyekiti Mteule wa CCM Tanzania Bara Ndugu Stephen Wasira wakati wa Mkutano Mkuu Maalum wa CCM Taifa uliofanyika katika ukumbi wa Jakaya Kikwete Jijini Dodoma tarehe 18 Januari, 2025.

MAFUNZO UBORESHAJI WA DAFTARI MIKOA YA MTWARA, LINDI NA RUVUMA YAFUNGULIWA LEO

Mwenyekiti wa tume Huru ya Taifa ya Uchaguzi, Jaji wa Rufani, Mhe. Jacobs Mwambegele akifungua mafunzo ya siku mbili kwa Waratibu wa Uandikishaji wa mkoa, Maafisa Waandikishaji, Maafisa Waandikishaji Wasaidizi ngazi ya Jimbo, Maafisa Uchaguzi, Maafisa Ugavi na Maafisa TEHAMA wa halmashauri yaliyoanza leo tarehe 17 hadi 18 Januari, 2025 Mkoani Mtwara ambapo amewataka watendaji hao kuhakikisha wanatunza vifaa vya uandikishaji ili viweze kutumika katika maeneo mengine nchini pamoja na kuzangitia mafunzo hayo ili wakafanikishe zoezi hilo muhimu.

Zoezi la uboreshaji wa Daftari la Kudumu la Mpiga Kura mkoani humo linataraji kuanza Januari 28,2025 na kufikia tamati Februari 03,2025 huku vituo vikitaraji kufunguliwa Saa 2:00 asubuhi na kufungwa Saa 12:jioni kwa siku zote saba.

LEMA AMTAKA MBOWE KUSIKILIZA USHAURI WA FAMILIA YAKE WA KUTOGOMBEA TENA

Aliyekuwa Mwenyekiti wa Chadema Kanda ya Kaskazini, Godbless Lema amtaka mwenyekiti wa chama hicho Freeman Mbowe kutogombea tena nafasi hiyo kama alivyoshauriwa na familia yake.

Lema ameyasema hayo leo jijini Dar es Salaam wakati akizungumza na waandishi wa habari ambapo amesema mara kadhaa Mbowe amekuwa na nia ya kupumzika na kuwaachia nafasi vijana lakini wanachama wamekuwa wakimshauri kuendelea kuwa katika nafasi hiyo.

Amesema anamuheshimu sana Mbowe kwa kazi kubwa aliyoifanya hasa ya kukijenga chama hicho lakini anamuomba kwa sasa asikilize ushauri wa familia yake inayomtaka kutogombea nafasi hiyo.

MAANDALIZI YA MKUTANO WA NISHATI WA WAKUU WA NCHI AFRIKA (MISSION 300) YAMEFIKIA ASILIMIA 95- DKT. BITEKO

Na Ofisi ya Naibu Waziri Mkuu na Waziri wa Nishati

Naibu Waziri Mkuu na Waziri wa Nishati, Mhe.Dkt.Doto Biteko amesema kuwa maandalizi ya Mkutano wa Nishati wa Wakuu wa Nchi za Afrika wenye lengo la kuharakisha upatikanaji umeme kwa Waafrika milioni 300 ifikapo 2030 (Mission 300) utakaofanyika tarehe 27 na 28 Januari jijini Dar es Salaam yamefikia asilimia 95.

Dkt.Biteko amesema hayo tarehe 15 Januari 2025 mara baada ya kukagua maandalizi ya Mkutano huo katika Kituo cha Kimataifa cha Mikutano cha Julius Nyerere (JNICC) Jijini Dar es Salaam akiwa ameambatana na Mkuu wa Mkoa wa Dar es Salaam, Albert Chalamila.

Amesema Wakuu wa Nchi 54 kutoka Bara la Afrika wanatarajiwa kushiriki pamoja na viongozi wengine ambao ni Mawaziri wa Fedha na Nishati kutoka barani Afrika, Marais wa Benki ya Dunia (WB) na Benki ya Maendeleo Afrika (AfDB), pamoja viongozi kutoka Jumuiya ya Ulaya na Jumuiya ya Umoja wa Afrika ambapo kazi zinazoendelea kwa sasa ni pamoja na kukamilisha ukarabati wa ukumbi wa JNICC.

“Kazi nyingine zinazoendelea ni pamoja na usajili na uthibitisho wa wageni ambao watakuja kwa ajili ya ushiriki na ukarabati wa maeneo mengine yatakayotumika kwenye mkutano huu, nichukue nafasi hii kuupongeza uongozi wa Mkoa wa Dar es Salaam kwa hatua iliyofikiwa na kuliweka jiji kwenye mandhari ya kuvutia.” Amesema Dkt.Biteko

WAKILI ACHAGULIWA KUWA MWENYEKITI MPYA WA BAVICHA

Wakili wa mahakama kuu ya Tanganyika Deogratius Mahinyila leo ametangazwa kuwa mwenyekiti mpya wa taifa wa Baraza la Vijana wa CHADEMA yaani BAVICHA kufuatia uchaguzi mkuu wa baraza la vijana wa CHADEMA uliofanyika ukumbi wa Ubungo Plaza jijini Dar es Salaam

Wakili Deogratius Mahinyila ni mhitimu wa chuo kikuu University of Dar es Salaam (UDSM) degree LLB na amepita shule ya Sheria na kusajiliwa pia kuthibitishwa kutumika na wateja wa huduma za kisheria na utetezi kama wakili wa Mahakama Kuu ya Tanzania

Wakili Deogratius Mahinyila anarithi mikoba ya mwalimu John Pambalu ambao muda wake wa uongozi kama mwenyekiti wa BAVICHA taifa umekwisha

JINSI YA KUWEKEZA KWENYE SAMIA INFRASTRUCTURE BOND

AJS TV USA: SABABU ZA MOTO WA CALIFORNIA NCHINI MAREKANI

BRIDGING INTO I.T AND CAREER SPECIALIZATION PROGRAM

NEW AUTHOR IN TOWN

 

Tumsapoti mtanzania mwenzetu na kitabu chake cha mapishi

Thank you for your patient I know people have been asking and waiting for the book. TODAY I have exciting NEWS that @hakunamatatakitchen  COOK BOOK is ready on Amazon Hakuna Matata Kitchen: Swahili Cuisine  Link below

 https://a.co/d/3WuSB6V please welcome all and explorer the dishes 🙏 will continue to update more sites to buy the book thank you very much all KARIBUNI SANA 🙏 🙏 #tanzanianfood  #kenyanfoodie  #swahilifood  #ugandafood  #tanzania #tanzanianfood #rwanda #burundi #sanantoniocatering

https://www.instagram.com/p/DEqH0ajP64O/?igsh=cDZkaWh0dHJ0MjFu

WALIOKAIDI UKAGUZI MAGARI YA SHULE WAKAMATWA, WANANCHI WAOMBWA KULINDA KUNDI JIPYA LA WATUMIAJI WA BARABARA.

Na. Mwandishi Jeshi la Polisi Arusha.

Jeshi la Polisi kikosi cha usalama Barabarani kimesema kuwa baada ya kuhitimisha zoezi la ukaguzi wa magari ya shule(School Bus) kwa kipindi cha likizo ambacho kilitangazwa ili kuondoa usumbufu kwa wanafunzi wanaotumia vyombo hivyo kimeanza kuwakamata wale wote walio kaidi agizo hilo huku kikosi hicho kikiwaomba wananchi kuweka uangalizi wa kundi hilo.

Akiongea katika zoezi hilo Mkuu wa kikosi cha Usalama Barabarani Mkoa wa Arusha Mrakibu Mwandamizi wa Polisi SSP Zauda Mohamed amesema kuwa kikosi hicho kilitangaza zoezi hilo ambapo ameweka wazi kuwa wameanza operesheni za ukamataji wa magari ambayo haya jakaguliwa na kikosi hicho.

Ameongeza kuwa takwimu zinaonyesha kuna zaidi ya magari 563 ambayo yanatoa huduma kwa wanafunzi ambapo baada ya ukaguzi huo inaonesha bado magari 178 huku akiweka bayana kuwa kuanzia leo Januari 13,2025 wameanza kuwamata madereva waliokaidi ukaguzi huo.

JESHI LA POLISI MKOA WA SONGWE LINAWASHIKILIA WATUHUMIWA WANNE WA MAUAJI

BILIONEA MULOKOZI AWAITA WAFANYAKAZI WAKE KWENYE KARAMU

Na John Walter -Babati

Mkurugenzi wa Kampuni ya Mati super brands LTD David Mulokozi amewaalika wafanyakazi wake kwenye karamu ya chakula cha jioni iliyoandaliwa kifalme na kuitwa Royal Party.

Shughuli hiyo imefanyika Mjini Babati Mkoani Manyara huku wafanyakazi hao wakivalia mavazi ya aina mbalimbali yanayoashiria ufalme.

Tofauti na sherehe zingine za kuwa na foleni za chakula, watu walikuwa wakihudumiwa kwenye meza zao vyamula na vinywaji.

Burudani ya nguvu ilishushwa na wasanii Rayvanny, Mama Mawigi, Babu wa Tiktok na Zuli Comedy.

BALOZI NCHIMBI NA MONGELLA WAMTEMBELEA MZEE MANGULA

KATIBU Mkuu wa Chama Cha Mapinduzi (CCM), Balozi Dkt. Emmanuel John Nchimbi, akiambatana na Naibu Katibu Mkuu wa CCM (Bara), Ndugu John Mongella, amemtembelea kwa ajili ya kumsabahi na kumjulia hali Mzee Philip Japhet Mangula, Makamu Mwenyekiti wa CCM Mstaafu (Bara), nyumbani kwake Msalato, Dodoma, Jumapili tarehe 12 Januari 2025.

MAADHIMISHO YA MIAKA 61 YA MAPINDUZI MATUKUFU YA ZANZIBAR UWANJA WA GOMBANI PEMBA

Rais wa Zanzibar na Mwenyekiti wa Baraza la Mapinduzi Mhe.Dk.Hussein Ali Mwinyi akipokea Maandamano ya Wananchi katika Maadhimisho ya Kilele cha Miaka 61 ya Mapinduzi Matukufu ya Zanzibar, iliyofanyika katika Uwanja wa Ngombani Chakechake Pemba leo 12-1-2025 na (kulia kwa Rais) Rais wa Jamhuri ya Muungano wa Tanzania, Mhe. Dkt. Samia Suluhu Hassani.

Rais wa Jamhuri ya Muungano wa Tanzania, Mhe. Dkt. Samia Suluhu Hassan ameshiriki maadhimisho ya kilele cha Miaka 61, ya Mapinduzi Matukufu ya Zanzibar yaliyofanyika katika uwanja wa Gombani, wilaya ya Chakechake, mkoa wa Kusini Pemba, Zanzibar leo tarehe 12 Januari, 2025.Mgeni Rasmi wa maadhimisho hayo alikuwa Rais wa Zanzibar na Mwenyekiti wa Baraza la Mapinduzi Dkt. Hussein Ali Mwinyi.

MTOTO ALIYEPOTEA MKOANI RUVUMA 2024 APATIKANA, RPC ATOA ONYO KALI

Na Regina Ndumbaro Ruvuma

Mtoto Groly, mwenye umri wa mwaka mmoja, ambaye aliripotiwa kupotea mwaka 2024 katika Kata ya Mjimwema iliyopo Manispaa ya Wilaya ya Songea Mkoani Ruvuma, hatimaye ameonekana katika kata ya Lizabon iliyopo Wilaya ya Songea mjini akiwa salama mwaka 2025.

Kamanda wa Polisi Kamishina Msaidizi Marco Chilya amethibitisha taarifa hizo na kueleza kuwa mtoto huyo alipatikana baada ya juhudi za kina za vyombo vya usalama na ushirikiano wa wananchi.

Kamanda Chilya ametoa wito kwa jamii kuacha mara moja vitendo vya utekaji au vitendo vyovyote vinavyohatarisha usalama wa watoto.

Pia amesisitiza umuhimu wa kuwafichua watu wenye tabia kama hizo ili kuhakikisha haki inatendeka na kuzuia matukio kama hayo kutokea tena.

SIMBACHAWENE ATANGAZA UTARATIBU MPYA USAILI WA KADA ZA UALIMU KUANZIA JANUARI 14 HADI FEBRUARI 24

Waziri wa Nchi, Ofisi ya Rais, Menejimenti ya Utumishi wa Umma na Utawala Bora Mhe. George Simbachawene leo amezungumza na waandishi wa habari jijini Dodoma, na kutangaza kuwa kuanzia tarehe 14 Januari hadi terehe 24 Februari, 2025, usaili wa kada za Ualimu utaendeshwa na Ofisi ya Rais, Sekretarieti ya Ajira katika Utumishi wa Umma kwa kushirikiana na Ofisi ya Rais (UTUMISHI); Ofisi ya Rais (TAMISEMI); Wizara ya Elimu, Sayansi na Teknolojia; Wizara ya Afya; Tume ya Utumishi wa Walimu; Ofisi za Wakuu wa Mikoa yote na wataalamu mbalimbali kutoka katika Taasisi za Umma.

"Usaili huu una lengo la kujaza nafasi elfu kumi na nne mia sita na arobaini na nane (14,648) zilizotolewa na Mheshimiwa Rais kwa lengo la kupunguza uhaba wa walimu nchini.

Ninapenda kuchukua nafasi hii kuwasihi sana wale wote walioitwa kwenye usaili wajiandae vyema kwa usaili huo kwani nafasi hizi ni za ushindani.

"Vilevile, kulingana na mahitaji yetu ya elimu kwa sasa, tutaajiri wataalamu wa fani za Amali. Hivyo, nawasihi sana wale wote watakaopata nafasi ya kuajiriwa, wawe tayari kujiendeleza ili kuweza kukidhi matakwa ya ajira zao katika Utumishi wa Umma." alisema Waziri Simbachawene.

WITO WA POLISI MANYARA KUHUSU USALAMA WA WANAFUNZI

Na John Walter -Manyara

Wakati shule zikitarajiwa kufunguliwa Jumatatu, Januari 13, 2025, kwa ajili ya kuanza muhula mpya wa masomo, Jeshi la Polisi Mkoa wa Manyara limetoa wito kwa wamiliki wa shule kuhakikisha magari ya kubeba wanafunzi yanakaguliwa ili kudhibiti ajali za barabarani.

Kamanda wa Usalama Barabarani Mkoa wa Manyara, Michael Mwakasungula, amesema kuwa jeshi hilo limejipanga kufanya ukaguzi wa kina kwa magari ya shule pamoja na vyombo vingine vya moto ili kuhakikisha usalama wa wanafunzi na kudhibiti ajali zinazoweza kutokea kutokana na uzembe wa madereva.

Mwakasungula pia amewataka wazazi wanaotumia usafiri wa bodaboda kusafirisha wanafunzi kuacha mara moja, akisisitiza kuwa usafiri huo si salama kwa watoto. Kamanda Mwakasungula ameongeza kuwa hatua kali za kisheria zitachukuliwa dhidi ya wazazi au wamiliki wa bodaboda watakaokutwa wakikiuka agizo hilo.

WAZIRI KASSIM MAJALIWA AMUWAKILISHA RAIS DKT.SAMIA SULUHU HASSAN KATIKA MKUTANO WA WAKUU WA NCHI NA SERIKALI WA AFRIKA KUHUSU KILIMO

Waziri Mkuu, Kassim Majaliwa akitia saini mbele ya Rais Yoweri Museveni wa Uganda (kushoto) na Wakuu wa Nchi na Serikali wa Umoja wa Afrika baada ya kushuhudia Tamasha la Kahawa Afrika. Africa Coffee Festival) lililolenga kuhamasisha uongezaji thahamani katika mazao yanayolimwa Afrika likiwemo zao la kahawa. Tukio hilo lilifanyika kwenye Kituo cha Mikutano cha Speke Resort, Munyonyo, Kampala Uganda ambako alimwakilisha Mheshimiwa Rais Dkt Samia Suluhu Hassan katika Mkutano Maalum wa Wakuu wa Nchi na Serikali wa Umoja wa Afrika kuhusu Mpango wa Maendeleo ya Kilimo Afrika, Januari 11, 2025.

Waziri Mkuu, Kassim Majaliwa pamoja na baadhi ya Wakuu wa Nchi na Serikali wa Umoja wa Afrika wakisikiliza wimbo wa taifa wa Uganda katika ufunguzi wa Mkutano Maalum wa Wakuu wa Nchi na Serikali wa Umoja wa Afrika kuhusu Mpango wa Maendeleo ya Kilimo Afrika uliofanyika kwenye Kituo cha Mikutano cha Speke Resort Munyonyo, Kampala Uganda, Januari 11, 2025. Waziri Mkuu alimwakilisha Rais Dkt Samia Suluhu Hassan wenye mkutano huo.

Rais Yoweri Museveni wa Uganda (wa nne kushoto) pamoja na viongozi wengene wakifuatilia hotuba ya Waziri Kassim Majaliwa aliyoitoa wakati alipomwakilisha Rais Dkt. Samia Suluhu Hassan kwenye Mkutano Maalum wa Wakuu wa Nchi na Serikali wa Umoja wa Afrika kuhusu Mpango wa Maendeleo ya Kilimo Afrika kwenye Kituo cha Mikutano cha Speke Resort Munyonyo, Kampala Uganda,Januari 11, 2025.